• Föst mánaðarleg greiðsla.
• Bifreiðagjöld.
• 1.500 km í akstur á mánuði eða 18.000 km á ári. Þú getur valið auka km eftir þínum þörfum.
• Dekkjaskipti að vori og hausti. Viðskiptavinur getur valið nagladekk í stað vetrardekkja honum að kostnaðarlausu.
  Dekkjaskipti eru í boði tvisvar á ári.
• Þjónustuskoðun á 12 mánaða fresti skv. þjónustuáætlun bíls.
• Ótakmarkaðir ökumenn, 21 árs eða eldri. 
• Lánsbíll án endurgjalds tímabundið ef leigutæki bilar, verður fyrir tjóni eða verður óökufært samkvæmt skilyrðum skilmála.
• Ábyrgðar og kaskótrygging með tiltekinni sjálfsábyrgð. Hægt er að bæta við tryggingum.

Akstur á Langtímaleigu 2024.

Innifalinn akstur í langtímaleigu er 1.500 km á mánuði eða 18.000 km á ári. 

Hægt er að kaupa umsamda umframkílómetra á mánuði.

Einstaklingum býðst að fá akstursleyfi fyrir börn sín á langtímaleigubíl. Greitt er fyrir ökumenn í æfingarakstri 3.900 kr á mánuði.  Ökumenn mæta á skrifstofuna ásamt leigutaka með ökuskírteini sitt. Leigutaki ber ábyrgð á þeim ökumönnum sem eru skráðir á leigusamning hans. Fyrir frekari upplýsingar vinsamlegast hafið samband við [email protected].

Þarft þú fleiri en 3000 kílómetra á tímabilinu? Ekkert mál, þú getur bætt við fleiri umsömdum umframkílómetrum við afhendingu. Umsamdir umframkílómetrar sem keyptir eru fyrirfram kosta 19 kr/km fyrir fólksbíla og rafmagnsbíla, 29 kr/km fyrir litla jeppa og fjölsæta bíla.

Ef bílnum er skilað og búið er að keyra fleiri kílómetra en þá sem voru umsamdir á samningnum gildir verð fyrir óumsamda umframkílómetra. Óumsamdir umframkílómetrar sem greiddir eru eftir að bílnum er skilað kosta 49 kr/km fyrir fólksbíla og rafmagnsbíla, 59 kr/km fyrir litla jeppa og fjölsæta bíla.

Einnig þarf að hafa í huga að kílómetragjald bætist aukalega ofan á þetta verð, en það er þá rukkað miðað við raun akstur viðskiptavinar.

Við biðjum til viðskiptavina að fylgjast vel með akstrinum. Ef þú ert að fara fram yfir kílómetrafjöldann sem þú varst búin að semja um í upphafi leigunnar endilega hafðu samband við okkur til að bæta við kílómetrum. 

Hægt er að taka bíl á leigu í 12, 24 og 36 mánuði. 
Lágmarksleigutími er 12 mánuðir af nýjum bílum frá Brimborg.

Á notuðum bílum frá Brimborg er lágmarksleigutími 12 mánuðir.

Leigutími Vetrarleigu er breytilegur hverju sinni.
Hann er einnig sveigjanlegri og því auðveldar að semja um hann.

Einstaklingar : Greiðsla fer eingöngu fram í gegnum kreditkort. Viðskiptavinur skal framvísa gildu ökuskírteini og kreditkorti í sínu nafni við afhendingu bílsins. Sýndarkort eins og í gegnum Apple Pay eru ekki tekin gild. Við upphaf leigu greiðir viðskiptavinur fyrsta mánuðinn og svo einn mánuð í tryggingu. Trygging er endurgreidd við lok leigutímabilsins ef ökutæki er tjónlaust og ekkert útistandandi. Sé bifreið skilað áður en samningstíma er lokið af einhverri ástæðu er trygging ekki endurgreidd.

Fyrirtæki : Fyrirtækjum býðst kostur á að sækja um reikningsviðskipti við Brimborg ehf.

Viðskiptavinum langtímaleigunar stendur til boða að skipta um dekk tvisvar á ári, þá á sumardekk yfir sumarmánuðina og á haustinn stendur svo til boða að skipta á annað hvort nelgd eða ónelgd vetrardekk. Ef viðskiptavinur þarf annarsskonar dekk en valið var um haustið þá bendum við viðskiptavinum á Skiptibílana hjá okkur en viðskiptavinum Brimborgar stendur til boða að taka þar bíl til leigu á sérstökum afslátta kjörum tímabundið.

Löglegt tímabil nagladekkja er frá 1 nóv til 14. Apríl, af þessu leiðir að nagladekk eru bönnuð frá 15. apríl til 31. október.

Það er alltaf hægt að hafa samband beint við bílaleiguna varðandi þjónustu og eins er hægt að senda póst á netfangið [email protected]

Brimborg notast við Noona appið og er viðskiptavinum frjálst að bóka tíma þar, bæði á Max1 stöðvum eða á umboðsverkstæði viðeignadi bíls.

Enginn reynslutími er á langtímaleigu á nýjum bílum, hins vegar stendur öllum viðskiptavinum Langtímaleigu Brimborgar til boða að reynsluaka bæði nýjum og notuðum bílum hjá söludeildum Brimborgar.

Þar sem Langtímaleiga Brimborgar býður nú upp á langtímaleigu í 1–36 mánuði af notuðum bílum, þá er hægt að byrja leiguferlið á 1–11 mánaða leigu og framlengja svo í 12–36 mánuði ef ánægja er með bílinn. Þetta á við um flesta notaða bíla hjá Brimborg.

Hvernig er akstur metinn?

• Tvær leiðir eru notaðar við akstursmat og uppgjör.

1) Besti kosturinn – senda inn km-stöðu (raunstöðu)

• Leigutaki sendir inn km-stöðu, að lágmarki 1× á 6 mánaðafresti.

• Staðan er borin saman við síðustu skráðu stöðu.

• Út frá því reiknast meðalakstur tímabilsins.

• Skatturinn notar meðalakstur til að áætla mánaðarlega innheimtu.

• Tryggir að greiðslur endurspegli raunverulegan akstur sem best.

2) Ef km-staða er ekki send inn

• Skatturinn áætlar akstur út frá almennum viðmiðum.

• Áætlaður akstur getur verið hærri en raunverulegur akstur.

• Getur leitt til hærri greiðslna en nauðsynlegt er.

• Því er alltaf mælt með að senda inn raunstöðu.

Hversu oft á að senda inn km-stöðu?

• Að lágmarki: 1× á 6 mánaðafresti.

• Ef akstur er breytilegur: betra að senda inn oftar.

• Heimilt er að skrá km-stöðu með 30 daga millibili.

Dæmi:

• 2–3× á ári fyrir misjafnan akstur.

• 1× í mánuði til að halda greiðslum sem næst raunverulegum akstri.

Uppgjör – af hverju skiptir regluleg skráning máli?

• Uppgjör fer fram í hvert skipti sem km-staða er skráð.

• Alltaf gert upp:

  • að lágmarki 1× á ári

  • og við skil bíls.

• Regluleg skráning:

  • kemur í veg fyrir stóran aukareikning,

  • kemur í veg fyrir að inneign safnist upp óþarflega,

  • heldur greiðslum stöðugum og fyrirsjáanlegum.

Hvernig sendi ég inn km-stöðu?

• Í spjalli við Góa.

• Með tölvupósti til Brimborg Langtímaleigu.

Til að uppfærsla geti farið fram þarf:

• km-stöðuna (töluna af mælinum),

• dagsetningu þegar staðan var tekin.

Það er á ábyrgð leigutaka að sjá um aðalskoðanir á ökutækjum í Langtímaleigu.

Hægt er að fara á næstu skoðunarstöð Aðalskoðunar þegar tímabært er að fara með bíl í aðalskoðun en þeir sjá um skoðun, viðskiptavinum að kostnaðarlausu.

Komi upp athugasemdir í skoðun eru viðskiptavinir beðnir um að hafa samband við Langtímaleigu svo hægt sé að taka ákvörðun um næstu skref.